احساس على ورق : الشاعر محمد حليم

الشاعر\ محمد حليم قصيدة كنا بنحلم كنا بنحلم بحبة كرامة في ارضنا مش لما نبني ونزرع يكون خيرها مش لنا حتي الكلام عليه ضريبة والخوف دا واحد مننا  طب فاكرها زمان لما كتبنا في سطور التاريخ بدمنا عشان كلامنا او حتي صوتنا كان حبة كرامة بقايا مننا بعواكي برخص تمن وقالوا دي مش أمنا وانا اللي لسه بحبك يجي من سبع تلاف سنة زرعك جناين ورد والسمره دي ارضناونيل بيجري في دمنا  مبقاش يفيد كترالكلام في وطن يهوا البلادة او يموت تلت اربع تلاف شهيد زيادة خوفي لبكرة يجي تصريح مغادرة لاولادك من القيادة اصلي قانون الظلم فيكي ما يطبقش غير الغلابة لما بيصرخ علي كام جرام او يطمع في رغيف زيادة من كام سنة كان نفسي اتعلم معصاش امر السيادة لكن انتي دايما ما تنسيش غير الغلابة  تعظيم سلام يا أرض مغرمها البيادة  شعر محمدحليم

اغنية خليني ساكت  خليني يا دنيا من همومك ساكت  دا الضحكة من كتر دموعي ماتت وايام عمري يادنيا ع الفاضي فاتت الحزن صاحبي وفرحتي حبة اهات خليني يادنيا من همومك ساكت طول عمري يا دنيا اللي في ايدي مش ليه واعمل في خير يترد من تاني اسية تملي يا دنيا في عز فرحي جايه عليه كان نفسي اشوف منك نظرة حنيه خليني يادنيا من همومك ساكت عايشين لناس دايما خاينه نسين يا دنيا انك فانيه نخلص لناس نلاقي وشوش تانيه وكله بيبيع بعضه يا دنيا في ثانيه خليني يا دنيا من همومك ساكت كلمات محمد حليم

يا قلبي كده كفاية كل جرح وليه نهاية وانته خاين من البداية وداع بوادع وتموت الحكاية ياقلبي كده كفاية عمري ما كان يخطر في بالي ان قلبك يجرحني الف مرة تاني ومن حبي ليك صدقت الكدبه تاني جاي بعد ايه تقول انك عشاني يا قلبي كده كفاية دا اللي خان مرة ممكن يخون مليون كان زمان حبي ليك فوق وصف الجنون  بعت كل شيئ عشانك حتي عمري كان يهون اشرب ودوق كاس العذاب وافتكرني كل يوم يا قلبي كده كفاية كلمات:الشاعر محمدحليم

صرخة وطن قصيدة صرخة وطن مدد يا شجر الظلام في فروعك واطوي شعاع الحلم في ضلوعك واضحك وداري الوجع في دموعك وازرع جنانين أمل عصافيرها تايه في ربوعك والصرخه صرخة وطن هزه إلم جوعك دم الخلايق ميه يا نيل ملوثه قلوعك خايف لا اصحي في يوم يا وطن ألاقي خاين جديد هبيعك بأيه يفيد شعر القصايد وانا زيك كمان مغصوب وجعي في ضلوعك ما انا من سنين بنده عليك بمليون صوت فوق جثة غلابة كل يوم بتموت اهي صرخة وجع وحكاية في اعلامنا يا وطن بتفوت من امته بس الضيف بقي ليه صوت مسموع بنضحك ياوطن والضحكة مليانه غلب غريب ارض وطن وحبي ليكي مليون ذنب   عشقت طفولتي البكر في عنيكي وقلمي بيكتب هم مليان غلب بينبض بحبك يا بلدي ما انتي تكويني وساكنه القلب شعرمحمدحليم