احساس على ورق : الشاعر محمد حليم

قصيدة حبة كرامة ما عدش فيا نخوة ولا جبروت كل اللي باقي مني فتات من صوت وحبة كرامة بطويها في ضلوعي خايف ليجي يوم وتموت تشفيني بضحك بس ضحكة من غير صوت رحال وماشي علي قضبانك ودليلي قطر الموت يعجز لساني لما اشوف دمعك يخرس كلامي سكوت عطشان أمان وسلسبيل نيلك حياة من بعد موت شايلك في روحي والتاريخ يشهد واسمك ع الجبين مكتوب تملي رابط ع الحدود زى طيف شمس النهار لما يعود كلامي شجن وحزنى نغم على كل عود تطوينى أحلامي ونظرة عنيكي السود اشوف ملامحي فى ترابك احس حبل الواد مدود وياخدني الأمل في صحارى ماليها حدود ازرع بفاسى جنانين واسقي بعرقى نبت ورود لسه النخيل طارح وعود الغيطان مشدود وبكرة أجله يا بلادي طول ما شراع الأمل مفرود ما عدش فيا نخوة ولا جبروت كل إللي باقي مني فتات من صوت درويش العامية محمدحليم

متهم اه يا بلد قلب حجر صوان  وحضنك جافي عليه سجان كل ما أنطق باسمك او أصرخ عليكي متهان لساني عود أخضر بس الحقيقة دبلان عايش علي نبرة من صوتك ترويني وانا عطشان وتاكسي بيها ضلوعي لما بكون متهان درويش العامية محمدحليم