احساس على ورق : الشاعر محمد حليم

فارس الابداع : الشاعر محمد حليم : قصيدة الخطاوي -- يحيا الوطن

قصيدةالدرويش حبيبتي نفسي اوصفك وصف فوق الخيال واسافر في حضن عنيكي لابعد مكان وارسم في كفك سنين عمري في اترحال انا العاشق حروف اسمك ولا غنوة الموال وانا اللي في عز المحن دمي دواه وصبار انا صوتك البكر في الشوارع والميدان وانا ازرع وانا الجاني بفاسي في الغيطان وانا الشارد في عز الليل محتاج لحضن امان سنين بكتب في كراستي عليكي احله كلام وانا اللي ملامحي طبق الاصل تشبه عيدان قمحك في الغيطان وانا الطفل اللي كان يحبي عشان يرسم حروف اسمك علي  الحيطان في جوفي مية عله وفي ضلوعي علم الكتمان شهيد ثورة ودم كام دوريش طالب رغيف العيش غار الربيع ونسينا دم كام درويش ساكنه في ضلوعي في عز جوعي متزعليش شعر محمد حليم

قصيدة حلاوة روح ساكنة الجروح في الجته ولوطابت تبقي حلاوة روح تهمس كلام بس الوجع ما تبوح وحبة كرامة في جتة وطن مدبوح ما يجز ش غير الرحمة علي خلق عايشه حلاوة روح  وبأيه يفيد الحلم و عماله الجزور بتموت ياحلم الغلابه يللي بتملك فات من صوت اصرخ وهاتي وايه يفيد الصراخ وجسد الوطن مملوك لعمرك وطن هتغير اصلك يدوب صعلوك رأيك ضعيف وشي سخيف علي الملوك اصلي الوطن عمره ما يبقي غيط ابوك تزرع وتخلع فيه براحتك دانت يادوب نبتك هلوك هيجي يوم من ارضك اكيد هايطرودوك فوق الرصيف هتلاقي رزق لو جوعوك وخبي الكرامه لو جاو في يوم هانوك اصلي الوطن عمره ما يبقي غيط ابوك  محمدحليم

اغنية بضحك علي نفسي  من سنين بضحك علي نفسي  من كتر ما الدنيا كاسرها نفسي تملي يادنيا في عز الفرح منسي لحد ما بقيت كاره نفسي عايش وفيا يا دوب اوهام وضحكة بتحلي في مر الايام من كتر ما راح زمن الاحلام جرحي في حضني تملي ينام كان نفسي الاقي منك حضن حنان اللم فيه كل الاحزان يعوض صبري عليكي زمان فاكرني ليه دايما ايوب كلمات:الشاعر محمدحليم  مسجله 1/4/20015

يللي بتسأل ع الكرم ده  طبعنا طيبه وكلام موزون ده  عقلنا اصلي الاصول بتجري  في دمنا غدايا وعشايا طرح خيرارضنا هيبه وشهامه معروف عننا والشيب وقار اساس العدل عندنا يللي بتسأل ع الصعيد مصنع رجال  ليها الف حد بعيد مش جلابيه وشال وقفطان جديد كلنا واحد ولله عبيد تحياتي محمدحليم 1/4/20015

عابر سبيل عابر سبيل مر بديار وطن مهجور من كام سنة كان الوطن بالعلم والادب مذكور  كان بيسأل علي شيخ جليل في الدين فقيه مشهور كان الجواب تحت التراب بقالوا عصور الشاعر محمد حليم 3/4/20015

تاية الخطاوي بينا من غير امل  ودم سايل في الشوارع ملوش تمن وشريط حدود فاصل وجع الوطن ونسر في السما فارد جناحه شايل هموم وطن نفس الوجع يا وطن جواك من زمن وعسكري عينه ما تغفل بس الليل غفل عيني عليك يا ولدي صبرك من جبل ولسه لسانك بيهتف يحيا الوطن شعر محمدحليم

ربنا يحميك من العين يا ولدي  يللي رافع راسي عالي يا بن بلدي  في وقت الشدة دايما انته سندي ربنا يحميك من العين يا ولدي يللي صاين في كل وقت عرضها وخايف علي اي نسمة تمسها ودمك بيروي كل شبر في ارضها ربنا يحميك من العين يا ولدي يللي بضحي عشان بلدك بروحك كرامة ولادها هي دي دايما فوق طموحك لما تضحك مصر بترد فيك روحك ربنا يحميك من العين يا ولدي الشاعر محمدحليم.