قصيدة غربة وطن الشاعر محمدحليم
قصيدة غربة وطن
تموت الضحكة
في ملامحي
وبرحل بعيد عنك
وفي سكتي بمشي
ما انا طول عمري
فوق ترابك من زمان منسي
انا المصري وهو ده اسمي
حروف اسمك لوحة من رسمي
كأنك وشم فوق جسمي
انا المصري وهو ده اسمي
وانا البكر في اول مدد ولدك
جايز بكون هامش
بس زي النهار لما يعدي الفجر اكيد يطلع
جوايا مية حاجة تخليني مستحيل ارجع
وبتغرب ولحضنك اكيد برجع
بس الاهانة جوه حضنك اكيد توجع
مش بصرخ ولو بصرخ ومين يسمع
الف حاجة صراخ صمتي دي بتمنع
غربة وطن جوه وطن
#الشاعرمحمدحليم
تعليقات
إرسال تعليق