بلد الحكاوي الشاعر محمدحليم
قصيدة بلد الحكاوي
اه منك يا بلد الحكاوي
مليت انا من قعدة القهاوي
باقيتي علي لسان الخلق غناوي
امته يرحل فقرك ولا مش ناوي
علي طول بشكي همي للغيطان
بقيت اصحاب انا والحيطان
حتي أسألي صندوق الزباله لما بكون جاعان
ولا انتي فالحه بس تيجي علي الغلبان
صدق اللي قال عليكي بلد الكلام
وانا فيكي من غير بيت وغطا بنام
برد الشتا وحر الصيف بقي كابوس مش احلام
بتسأليني لو كنت ميت فيكي غرام
تخرس لسانك لما دمي سال
صابر وصبري ماتشالوش جبال
انا عاوز كرامة مش من ايديكي المال
انا عاوز اعيش عيشة الكرام
شعر محمدحليم
تعليقات
إرسال تعليق